2006-cı ildə Azərbaycanın nəqliyyat sektoru ilə daşınmaların həcmi rekord səviyyəyə çatıb

Dövlət Statistika Komitəsinin məlumatına görə, 2006-cı ildə Azərbaycanın nəqliyyat sektoru ilə 145,1 mln. ton müxtəlif yüklər daşınıb ki, ötən ildən 13% çoxdur. Daşınan yüklərin ümumi həcminin 58,9%-i özəl sektora aiddir. 2006-cı ildə yüklərin ümumi həcminin 51,3%-i avtomobil nəqliyatı ilə, 18,9%-i boru kəməri ilə (o cümlədən 5,5%-i Bakı-TiflisCeyhanla), 20,5 %-i dəmir yolu, 9,3%-i dəniz nəqliyyatı ilə daşınıb.

Sərnişin nəqliyyatı ilə 2006-cı ildə 1 mlrd nəfər (rekord) daşınıb ki, bu da 2005-ci ilin analoji dövrü ilə müqayisədə 6,3% çoxdur.

Dəmir yolu nəqliyyatı ilə 29,6 mln tonn müxtəlif yüklər daşınıb ki, bu da 2005-ci ildən 11,9% çoxdur.

Dəniz nəqliyyatı ilə 13,5 mln. tonn müxtəlif yüklər daşınıb. Bu 2005-ci ildən 1,3% çoxdur. Daşınan yüklərin ümumi həcmindən 69,5%-i neft və neft məhsullarının, qalan 30,5%-i quru yüklərin payına düşür. 99,8%-i beynəlxalq əməliyyatların payına düşür. Sərnişindaşıma həcmi 3,4% artıb.

Azərbaycan limanlarında emal olunmuş yüklərin həcmi 2006-cı ildə 6 mln. tonn təşkil edib. bu, 2005-ci ilin analoji dövründən 5,6% çoxdur. Emal olunmuş yüklərin ümumi həcminin 83,3%-i 4,7% artmış tranzit yüklərin, payına düşür. Bununla belə, idxal olunmuş yüklərin ümumi həcmi 3,3% azalıb, ixrac olunan yüklərin həcmi isə 18,4%yüksəlib.

2006-cı ildə Bakı liamnına 505 gəmi gəlib ki, onun 452-i yük boşaldıb, 53-ü isə yüklənib.

Avtomobil nəqliyyatı ilə 74,4 mln tonn yük daşınıb ki, bu 2005-ci ildən 7% çoxdur. Sərnişindaşımanın həcmi 895 mln adam (5,8% artıb) təşkil edib. 1996-cı ildən avtomobillə yükdaşınmanın həcmi 5,5 dəfə artıb. Avtonəqliyyatın sayının illik yüksəlməsi davam edib. 2003-cü ildə avtonəqliyyat vasitələri 40,9 min, 2004-cü ildə 43 min, 2005-ci ildə 58,3 min artıb. 2006-cı ildə bu göstərici 77,9 min avtomobilədək yüksəlib. Bu hesabla hər min nəfərə düşən avtomobil 1,5 dəfə artıb və 81 avtomobilə çatıb. Avatomobillərin beşdə dördü minik maşınlarının, 14,1%-i yük maşınlarının, 4%-i avtobusların, qalan hissəsi xüsusi və digər avtomobillərin payına düşüb. Metropolitenlə sərnişindaşımanın həcmi 9,6% artıb. Sərnişinlərin hava nəqliyyatı ilə daşınması 10,3% artıb və 1,3 mln. nəfər olub. Bu növ sərnişindaşımanın 5,7%-i qeyri-dövlət sektoruna aiddir. Yanvar-noyabrda Avroasiya nəqliyyat koridoru ilə Azərbaycan ərazisindən 43,7 mln. tonn daşınıb ki, bu ötən ilin yanvar-noyabrından 5,3 % çoxdur. 10 il ərzində Azərbaycanın nəqliyy
at sektorunda yük daşınmaları həcmi: