Azərbaycan kənd təsərrüfatı tədqiqatları konfransında iştirak edəcək. Bu barədə Trend ə bu gün Azərbaycanın Kənd Təsərrüfatı Nazirliyinin elmi-aqrar mərkəzindən məlumat verilib. Konfransda mərkəzin rəhbəri Əsəd Musayev iştirak edəcək.
"Kənd təsərrüfatı tədqiqatlarının prioritetinin müəyyən edilməsi üzrə ekspert məsləhətləşmələri" konfransı 7-9 mart tarixində Daşkənddə keçiriləcək. Tədbirin təşkilatçıları Kənd Təsərrüfatı Tədqiqatlarının Qlobal Forumu (GFAR) və Quraq Rayonlarda Kənd Təsərrüfatı Tədqiqatlarının Beynəlxalq Mərkəzidir (ICARDA). Konfransda Yaxın Şərq, həmçinin Cənubi Qafqaz ölkələrinin də iştirakı gözlənilir.
Konfransın keçirilməsinin əsas məqsədi kənd təsərrüfatı tədqiqatlarının üstünlüklərinin müzakirə ediliməsdir. Konfransın gedişində Ə. Musayevin Azərbaycanda aqrar tədqiqatlar sahəsində əsas prioritetlər barədə təqdimatı gözlənilir.
Tədbirin yekununda iştirakçı dövlətlər üçün əsas üstünlüklərin müəyyən edilməsi, kənd təsərrüfatı tədqiqatlarının aparılması yolları müəyyən olunacaq.