Azərbaycanda guya "quş qripi" virusunun yayılması ilə əlaqədar olaraq quşçuluq məhsullarının qiymətinin kəskin aşağı düşməsi şaiyəsi həqiqətə uyğun deyil. Bu barədə Trend ə Respublika Quşçuluq Cəmiyyətinin sədri Aydın Vəliyev məlumat verilib.
"Əgər qiymətlər aşağı düşsəydi, onun aşkara çıxması üçün vaxt lazım olardı", deyə o bildirib. Virusun ölkədə yayılması ilə bağlı olan şaiyələr bu gün Kənd Təssərüfatı Nazirliyi yanında Baytarlıq Xidməti tərəfindən təkzib edilib.
2006-cı ilin sonundan etibarən Respublika Quşçuluq Cəmiyyəti İqtisadi İnkişaf Nazirliyi ilə birgə Bakıda quş məhsullarının yarmarkasını təşkil edir.
Bu günə qədər realizə olunmuş quş əti 170 tondan çox, yumurta 4 milyon ədədir.
Respublika Quşçuluq Cəmiyyətinə Mərdəkan Broyler, Siyəzən Broyler, Dəvəçi Broyler, Zira Broyler, Arco Co, İmişli Broyler, Şəmkir Broyler-lə birgə 20-dən çox müəssisə daxildir.