Azərbaycan,Bakı/müxbir Trend S.Əliyev/Cənubi Koreya ekspertləri sürət qatarının istismara buraxılması layihəsi çərçivəsində uzunluğu 502 km olan Bakı-Böyük Kəsik (Gürcüstan sərhəddi) marşrutu üzrə dəmir yolunun vəziyyəti ilə tanış olub. Bu barədə Azərbaycan Nəqliyyat Nazirliyi nəqliyyat siyasəti və iqtisadiyyatı şöbəsinin rəhbəri Sədrəddin Məmmədov məlumat verib.
Onun sözlərinə görə, koreyalı mütəxəssislər yolu tədqiq edib və gələcəkdə möhkəmləndirmə işlərinin aparılacağı ən həssas yerləri müəyyən edib.
Bu layihənin həyata keçirilməsi üçün yolların, energetik təsərrüfatın, siqnalizasiya və rabitə sistemlərinin yenidən qurulması lazımdır. Bundan başqa, sürət vaqon və lokomotivlərinin əldə olunması məsələsi də qalır.
Bu layihədə iştirak etməkdə Yaponiya, Koreya və Fransanın nəqliyyat strukturları maraqlıdır.
