Azərbaycan,Bakı/müxbir " İ.Xəlilova/Yanvar-fevral ayı ərzində iqtisadiyyatın inkişafına bütün maliyyə mənbələrindən 725,1 mln. manat qoyulub, bu da ötən ilin analoji dövrü ilə müqayisədə əsas kapitala qoyulmuş investisiyaları 13,9 faiz üstələyir. Dövlət Statistika Komitəsindən verilən məlumata əsasən, şəxsi mülkiyyətdə olan müəssisə və təşkilatlar əsas kapitala 493,3 milyon manat (ümumi investisiyanın 68 faizi) və dövlət mülkiyyətində olanlar isə 231,8 milyon manat (32 faiz) qoyub.
Təmir-tikinti işlərinə qoyulan investisiyalar 11,4 faiz artaraq 371,8 milyon manat təşkil edib. İstehsal yönümlü obyektlərin tikintisi üçün 651,3 mln. manat (89,8 faiz), qeyri-istehsal obyektlərinə 73,8 mln. manat (10,2 faiz) investisiya istifadə olunub.
Xarici investisiyaların xüsusi çəkisi 5,6 faiz aşağı düşərək 55,1 faiz təşkil edib. Uyğun olaraq investisiyların ümumi həcmi 52,5 faiz yüksələrək 44,9 faiz təşkil edib.
Büdcə vəsaitləri hesabına həyata keçirilmiş obyektlərin tikintisinə 69,1 milyon manat investisiya qoyulub.
Müəssisə və təşkilatların hesabına əsas kapitala 585,2 mln. manat (ümumi investisiya həcmindən 80,7 faiz), bank kreditlərinə - 25,4 mln. manat (3,5 faiz), büdcə vəsaitləri - 74,3 mln. manat (10,2 faiz), büdcədən kənar fondlara - 20,9 mln. manat (2,9 faiz), əhalinin şəxsi vəsaitinə - 19,1 mln. manat (2,7 faiz), başqa vəsaitlərə isə - 0,2 mln. manat qoyulub.
