Azərbaycan, Bakı/ Trend müxbir İ.X / "Azərbaycan investisiya şirkəti" SC Azərsun Holding-lə narın və yodlaşdırılmış duz istehsalı zavodunun tikintisinin birgə maliyyələşdirilməsi barədə memorandum imzalayıb. Bu barədə məlumatı çərşənbə axşamı AİŞ-in icraçı direktoru Anar Axundov verib.
Müəssisə Masazır gölü ətrafındakı xammal yataqları nəzərə alınmaqla Masazırda inşa olunacaq.
A.Axundov əlavə və digər xammalın da istifadəsi imkanlarına baxıldığını bildirib.
"Əsas məqsəd ölkədə beynəlxalq təşkilatlar tərəfindən müəyyən olunmuş həcmdə yodlaşdırılmış və narın duz istehsalını təşkil etməkdir",- deyə AİŞ rəhbəri bildirib.
Layihədə əsas səhmdar Azərsun Holding-dir, investisiya şirkəti isə iştirak payının 15-30 faizə qədər artırılması məsələsini nəzərdən keçirir. Hər bir layihə kimi, duz istehsalı zavodunun tikintisinə də beynəlxalq maliyyə təşkilatları cəlb olunacaq.
