...

Mitsubishi bərk tullantılarla bağlı Azərbaycana iki layihə təklif edib

Biznes və iqtisadiyyat xəbərləri Materials 2 Aprel 2007 16:19 (UTC +04:00)

Azərbaycan,Bakı/müxbir Trend İ.Xəlilova /Yaponiyanın Mitsubishi şirkəti Azərbaycan hökumətinə bərk tullantılar sahəsində iki istiqamətdə əməkdaşlıq təklif edib. Bazar ertəsi günü İqtisadi İnkişaf Nazirliyinin texniki yardımın investisiya və koordinasiyası şöbəsinin rəhbəri Əsgər Ələkbərovun verdiyi məlumata əsasən, birinci təklif zibil emalı zavodunun tikintisində iştirak, ikinci təklif isə Balaxanıda mövcud olan bərk tullantılar zibilxanasının üstünün örtülməsinin həyata keçirilməsindən ibarətdir.

Onun təkliflərindəki diqqətəlayiq hal zibilin emalı nəticəsində qaz istehsalının təklif olunmasıdar. Bu da məişət tullantılarının emalı prosesini tamamlayır. Mitsubishi müəyyən texnologiyalara əsasən zibilin üstünün örtülməsini təklif edir. Bu layihədə həmçinin "Azərbaycan İnvestisiya Şirkəti"nin (AİŞ) iştirakı nəzərdə tutulub. Bu da hazırda danışıqların predmetidir. AİŞ-in investisiyaları ilə yanaşı qismən maliyyələşdirmə razılıq əldə olunduqdan sonra Mitsubishi tərəfindən həyata keçiriləcək.

"Layihəyə xarici maliyyə və ya xarici investisiyaların cəlb olunması da mümkündür", deyə Ə.Ələkbərov bildirib.

Xəbər lenti

Xəbər lenti