Azərbaycan, Bakı/ Trend müxbir S.Babayeva/ Standartlaşdırma, Metrologiya və Patent üzrə Dövlət Agentliyi mütləq sertifikatı olmalı olan malların siyahısını hazırlayıb. Agentliyin baş direktoru Ramiz Həsənovun cümə günü verdiyi məlumata görə, ölkə iqtisadiyyatının inkişafı ilə əlaqədar olaraq siyahıya yenidən baxmaq lazımdır. Sonuncu dəfə bu siyahı hökumət tərəfindən 1993-cü ildə təsdiq olunub.
Yeni siyahıda bir sıra mal növləri ixtisar olunub. Bura cəmisi 100 adda mal daxildir. Siyahıda əsas etibarilə insan sağlamlığına mənfi təsir edə bilən ərzaq malları, qidalandarıcı məhsullar, parfümeriya, kosmetika və elekton cihazlar yer alıb. Aprel ayının sonunda siyahı baxılmaq üçün hökumətə təqdim olunacaq.