Azərbaycan, Gəncə / Trend müxbir V.Məmmədov/ Sanitar qaydalara əməl olunmadığına görə Gəncədə iki çörəkbişirmə sexi və iki yeməkxana bağlanıb. Bu barədə çərşənbə axşamı məlumat verən şəhər Sanitar Epidemiologiya Mərkəzinin qidalanma şöbəsinin müdir əvəzi Kərim Rəhimov bildirib ki, aparılan reydlər zamanı 10-a yaxın çörəkbişirmə sexində çalışanlara sanitar qaydalara ciddi əməl olunması ilə bağlı xəbərdarlıq edilib. "Bağlanan çörək sexləri tam təmirsiz vəziyyətdə idi. Sexlərdə təmir işləri aparılmasa, onlar açılmayacaq" - deyə Rəhimov bildirib.
Rəhimov kommersiya sirri olduğundan həmin çörəkbişirmə və yemekxanaların rəhbərləri və ünvanları barədə əlavə məlumat verməyib.
