Azərbaycan,Bakı/müxbir Trend S.Əliyev/Bu ilin birinci kvartalında respublikada avtomobillərin sayı 18 min ədəd artaraq aprelin 1-nə əsasən 708 min avtomobil təşkil edib. Bu barədə Dövlət Statistika Komitəsindən məlumat verilib. Beləliklə, 1000 adama 66 minik avtomobili düşür.
Yanvar-fevral ərzində Azərbaycana 4 min 249 minik avtomobili idxal olunub. Bu da keçən ilin analoji göstəricisindən 6,3 faiz azdır. Dövlət Statistika Komitəsinin məlumatına əsasən, yanvar-fervlarda gətirilmiş minik avtomobillərinin ümumi dəyəri 29,6 mln. dollar təşkil edib. Bu da keçən ilin analoji göstəricisindən15,3 faiz çoxdur.
Yanvar-fevralda Azərbaycanda 1 min 824 yük avtomobili idxal olunub. Bu da keçən ilin analoji göstəricisindən 86,7 faiz çoxdur. Avtomobillərin ümumi dəyəri 16,7 mln. dollar təşkil edib. Bu da keçən ilin analoji göstəricisindən 188,1 faiz çoxdur.
