Azərbaycan, Bakı/ Trend müxbir İ.Xəlilova / Yanvar-mart aylarında Azərbaycanın sənaye istehsalı 4614,1 mln. manat təşkil edib ki, bu da 2006-cı ilin müvafiq dövrü ilə müqayisədə 38,6 faiz çoxdur. Bu barədə Dövlət Statistika Komitəsindən məlumat veriblər. Hesabat dövründə hasilat sənayesində 3 312,5 mln. manata qədər artım müşahidə olunub ki, bu da ümumi sənaye istehsalının 71,8 faizini təşkil edir. Emal (936,1 mln. manat) - 20,3 faiz, elektroenergetika, qaz və su sahəsi - 7,9 faiz (365,3 mln. manat) olub.
Hasilat sənayesində istehsal 50,5 faiz artsa da, emal sənayesində elektroenergetika, qaz və su səhəsində (2,1 faiz) olduğu kimi, 3,2 faiz azalma müşahidə olunub. İstehsal sənayesində artım tempi neft sektorunda istehsalın artması ilə bağlıdır. 2006-cı ilin yanvar-mart ayları ilə müqayisədə istehsal 48,1 faiz artaraq ölkənin ümumi sənaye istehsalının 79,6 faizini təşkil edib.
Neft sektorunda sənaye məhsullarının istehsalı 4,1 faiz azalıb. Diqqətəlayiq haldır ki, mart ayında Gəncə avtomobil zavodunda 5 ədəd "Belarus" markalı traktor istehsal olunub.
Hesahat dövründə rezin və plastik kütlə istehsalında artım 61,9 faiz, maşın və avadanlıq - 2,4 dəfə, nəqliyyat vasitələri və avadanlıq - 47,8 faiz, elektron, optik və elektrik avadanlıqları - 27,2 faiz, ağac məmulatları və ağac işləmələri - 42 faiz, ərzaq məhsulları - 9.6 faiz olub.
Ümumi sənaye istehsalında qeyri-dövlət sektorunun payı 77,1 faiz (3559,6 mln. manat) təşkil edib. Qeyri-dövlət sektorunda artım dövlət sektorundakı 18,7 faiz azalmaya qarşı 61,2 faiz olub.
Dövlət sektorunda azalma ötən illə müqayisədə kimya məhsulları və elektrik enerjisi istehsalının azalması ilə bağlıdır..