Azərbaycan, Bakı/ Trend müxbir İ.Xəlilova/ Fransanın Lafarge sement istehsalçısı Azərbaycanda yeni sement zavodunun tikintisinin texniki-iqtisadi qiymətləndirilməsi layihəsinə başlamağı palanlaşdırır. Bu barədə "Azərbaycan investisiya şirkəti" SC-nin icraçı direktorunun müavini Riyad Qasımov bildirib. O güman edir ki, ilin sonuna qədər zavodun tikintisi başlayacaq və il yarım ərzində, 2009-cu ildə hazır olacaq. İqtisadi İnkişaf Nazirliyindən bildiriblər ki, Lafarge geoloqları əhəng yataqlarının öyrənilməsi işlərini başa çatdırıblar və özləri üçün Tovuz rayonunda yataq müəyyənləşdiriblər.
Aprel ayında Lafarge ekspertlərinin Bakıya gözlənilən növbəti səfərində detallar danışılacaq. Həmçinin layihədə tərəfdaş kimi iştrak etmək istəyən Azərbaycan investisiya şirkəti ilə də danışıqlar aparılacaq.
Tamamilə yeni texnologiya əsasında tikiləcək zavodun qiyməti 100-150 mln. avro civarında dəyərləndirilir. Zavodun istehsal gücü 1 mln. ton olacaq. Zavodun tikintisində Azərbaycan investisiya şirkətinin payı 20 faiz həcmində nəzərdə tutulub, qalan bütün hissə Lafargenin hesabına təmin olunacaq.
