Azərbaycan, Bakı/ Trend müxbir S.Babayeva/ ECOSAI-nin (İqtisadi Əməkdaşlıq Təşkilatı (ECO) ölkələrinin Ali Maliyyə Nəzarəti Orqanlarının Təşkilatı) dördüncü assambleyası oktyabr ayına keçirilib. Bu barədə çərşənbə günü Azərbaycanın Hesablama Palatası məlumat yayıb.
Assambleyanın bu ilin aprel ayında Türkiyədə keçirilməsi planlaşdırılırdı. Tarixin dəyişdirilməsi Türkiyədə aprelin sonu-mayın əvvələrində Hesablama Məhkəməsinin yubileyilə bağlı keçiriləcək tədbirlərlə əlaqədardır. Assambleyada Azərbaycan Hesablama Palatasının nümayəndələrinin də iştirakı planlaşdırılıb.
Assambleyanın toplantıları 3 ildən bir keçirilir və burda təşkilatın rəhbərliyi müəyyən olunur. Hazırda bu vəzifəni Türkiyə Hesablama məhkəməsinin prezidenti Mehmet Dammar icra edir.
ECOSAI-nin tərkibinə 1994-cü ildən Azərbaycan Əfqanıstan, İran, Qazaxıstan, Qırğızstan, Pakistan, Tacikistan, Türkmənistan, Türkiyə və Özbəkistanın ali maliyyə nəzarəti orqanlari daxildir.