Azərbaycan, Bakı/ Trend / Yanvar - mart aylarında Azərbaycanın 109 xarici ölkə ilə apardığı ticarət əməliyyatlarının dəyəri 2055192,4 min dollar təşkil edib. Bunu Dövlət Gömrük Komitəsi (DGK) xəbər verib.
Bu dövr ərzində 919062,2 min dollar dəyərində 1258 növ mal ixrac olunub, 1136130,1 min dollar dəyərində 4596 növ mal isə idxal olunub. İdxal-ixrac əməliyyatları arasında 217067,9 min dollar mənfi saldo yaranıb.
2006-cı ilin müvafiq dövrü ilə müqayisədə ixrac əməliyyatlarının həcmi 11,44 faiz (118760,9 min $), idxal əməliyyatalarının həcmi isə 25,41 faiz (230216,5 min $) artıb. Müvəqqəti ixrac şəraitində Azərbaycandan 33557,1 min dollar dəyərində mal ixrac, 68883,4 min dollar dəyərində mal isə idxal olunub.
