Azərbaycan Dövlət Gömrük Komitəsinin sədr müavini Əsgər Abdullayevin rəhbərlik edəcəyi nümayəndə heyəti cinayətkarlıqla mübarizədə əməkdaşlıq üzrə MDB orqanlarının koordinasiya məsləhətləşmələri toplantısında iştirak edəcək. Bu barədə Dövlət Gömrük Komitəsindən məlumat verilib. Görüş 25-26 aprel tarixlərində Astanada keçiriləcək.
İclasın gündəliyinə "Müasir çağırış və hədələr sahəsində təhlükəsizlik üzrə beynəlxalq əməkdaşlıq" mövzusunda Dəyirmi masa, həmçinin təhlükəsizliyin təmin olunması problemləri və cinatətkarlıqla mübarizə sahəsində ixtisaslaşdırılmış sərgi keçirilməsi daxildir.
İştirakçılar cinayətkarlığa qarşı, narkotiklərin, psixotrop maddələrin qanunsuz dövriyyəsinə qarşı, terrorizm və eskstremizmin digər zorakı nəticələrinə qarşı və qanunsuz miqrasiyaya qarşı mübarizə sahəsində birgə fəaliyyətlə bağlı hökumətlərarası proqramı müzakirə edəcəklər.