Azərbaycan, Bakı/ Trend müxbir Ü.İsmayılova/ International Insurance Association iyun ayında Azərbaycan Dövlət Sığorta Nəzarətinin əməkdaşları üçün seminar keçirəcək. Bunu çərşənbə axşamı Maliyyə Naziriyinin Dövlət Sığorta Nəzarəti şöbəsinin müdiri Namiq Xəlilov söyləyib.
Seminarlarda International Insurance Association Dövlət Sığorta Nəzarəti əməkdaşları üçün Beynəlxalq sığorta nəzarəti Assosiasiyasının üç "sığortanın və metodun əsas prinsipləri" üzrə məsləhət verəcək:
- (11) Bazarın tədqiqi prinsipləri,
- (12) Hesabatın təqdim olunması və maliyyə vəziyyətinin analizi,
- (13) Şirkətin fəaliyyətinin yerində yoxlanılması.
"Seminarın keçirilməsində məqsəd Azərbaycan bazarında tətbiq olunmaq üçün dünyada mövcud olan sığorta standartları ilə tanışlıqdır",-deyə o söyləyib.
Layihənin maliyyələşdirilməsi və həyata keçirilməsi ilə USAID məşğul olur.
Mart ayında Kanadanın Lawrie Savage First şirkəti Dövlət Sığorta Nəzarəti əməkdaşları üçün Maliyyə Nazirliyinin təşəbbüsü ilə 14 günlük sığorta əməliyyatlarında beynəlhxalq standartlar üzrə kurslar keçirib.
Kurslarda əsasən sığorta fəaliyyətində beynəlxalq standartlar, müasir sığorta nəzarəti sistemi, səlahiyyətli orqanlar, sığorta əməlliyyatları, həmçinin sığorta edənin maliyyə stabilliyinin və ödəmə qabiliyyətinin analizi, lisenziyalaşdırılması, investisiya fəaliyyəti, yenidən sığortalama və onlar üzərində nəzarət, səyyar yoxlama məsələləri müzakirə olunub.