Azərbaycan,Bakı/müxbir Trend Ü.İsmayılova/Azərbaycanın Maliyyə Nazirliyi Azal Sigorta və Beynəlxalq Sığorta şirkətlərində yoxlamalar aparır. Bu barədə cümə axşamı Maliyyə Nazirliyinin Dövlət Sığorta Nəzarəti şöbəsinin rəhbəri Namiq Xəlilov məlumat verib.
Xəlilovun sözlərinə görə, şirkətlərdə yoxlamalar iki-üç ildə bir dəfə aparılır. Yoxlamalar sığorta haqqında qanuna uyğun aparılır. İki növ yoxlama həyata keçirilir: rüb təhlili və illik hesabat, yerlərdə yoxlama (şirkətin bütün daxili sistemi). İşlər 30 gün ərzində davam etdiriləcək.
Maliyyə Nazirliyinin məlumatına əsasən, birinci rübdə Azal Sigorta şirkətinin sığorta haqları 12,02 mln. manat, Beynəlxalq Sığorta Şirkətinin haqları isə 1,93 mln. manat təşkil edib.
