Azərbaycan, Bakı /müx . Trend Ü.İsmayılova/ Azərbaycanın Aktuarilər Assosiasiyası qeydiyyat məqsədilə sənədlərini Ədliyyə Nazirliyinə təqdim edib. Bu barədə çərşənbə axşamı Azərbaycanın Maliyyə Nazirliyinin Dövlət sığorta nəzarəti şöbəsinin müdiri Namiq Xəlilov məlumat verib.
Xəlilovun sözlərinə görə, bu gün Azərbaycanda sığorta aktuari fəaliyyəti ilə cəmi beş nəfər məşğul olur. Onlar da əsasən xarici universitetlərdə təhsil alıblar.
Aprelin 24-də kanadalı sığorta aktuari Jan Noel Martineu ikihəftəlik səfərlə Bakıya gəlib. Səfər ACDI/VOCA xətti ilə gerçəkləşib. Martineu Azərbaycanda müvafiq seminarların təşkili ilə məşğuldur.
Xəlilov bildirib ki, Azərbaycana aktuarinin dəvət edilməsində məqsəd burada aktuari və bu sahədə mütəxəssislər məktəbinin yaradılmasıdır.
Azərbaycanda 29 sığorta şirkəti fəaliyyət göstərir.
