Azərbaycan,Bakı/müxbir Trend Ü.İsmayılova/Bakının daşınmaz əmlak bazarında durğunluq hökm sürür. Bu barədə bazar ertəsi Caspian Property Services qiymətləndirici şirkət məlumat verib.
Caspian Property şirkətinin müşahidlərinin yekunlarına əsasən, mayda bazarda durğunluq yalnız Bakının birinci və ikinci mənzil bazarlarında müşahidə olunmur, həmçinin ipoteka kreditləşməsi bazarında da bəzi azalmalar hiss olunur.
2006-cı ilin martından cari il mayın 4-dək Azərbaycan İpoteka Fondu 36 mln. manat məbləğində 1000 kredit verib.
Caspian Property şirkətinin məlumatına əsasən, Azərbaycan FHN-nin 2006-cı ilin sonunda müvafiq qərarından sonra 50 binanın tikintisi dayandırılıb.
"Bundan sonra bazarda mütəmadi olaraq həm qiymət, həm də tələb və təklifdə dəyişikliklər hiss olunub", deyə şirkətdən bildirilib.
FHN 2006-cı ilin sonunda ekspertizadan keçməmiş bütün yeni tikililərdə tikintinin dayandırılması haqqında bəyan edib. Nazirlik məlumat verib ki, tikintisi FHN-nin yaradılmasına qədər başlamış yeni tikililərin sahibləri Baş Ekspertiza İdarəsi və Bakı meriyasının ekperstiza şöbəsindən müvafiq sənəd almayınca, tikinti bərpa olunmayacaq.
