...

Azərbaycanın ÜTT-yə qəbulu ilə bağlı hazırlıq prosesi üçün dövlət büdcəsindən vəsaitlərin ayrılması razılaşdırılıb

Biznes və iqtisadiyyat xəbərləri Materials 7 İyun 2007 12:00 (UTC +04:00)

Azərbaycan, Bakı /müx. Trend İ.Xəlilova/ Azərbaycanın Ümumdünya Ticarət Təşkilatına (ÜTT) qəbulunun hazırlığı çərçivəsində xarici ekspertlərin cəlb edilməsi üçün maliyyə resursları məhduddur. Bu sözləri dövlət komissiyasının iclasında komissiyanın sədri, iqtisadi inkişaf naziri Heydər Babayev deyib.

"Milli qanunvericiliyin ÜTT tələblərinə uyğunlaşdırılması üçün yerli kadrlarımız yoxdur. Ona görə də xarici məsləhətçilərin cəlb edilməsinə ehtiyac var. Azərbaycan prezidenti müvafiq məqsədlər üçün dövlət büdcəsindən vəsaitlərin ayrılmasını dəstəkləyir" - deyə nazir vurğulayıb.

Onun fikrincə, bu vəsaitlər Nazirlər Kabinetinin ehtiyat fondundan, yaxud da prezidentin ehtiyat fondundan ayrıla bilər.

Tədbirlərin maliyyələşdirilməsi məsələləri iyunun 6-da ÜTT-yə qəbulun hazırlığı çərçivəsində dövlət komissiyasının iclasında müzakirə olunub.

Bu gün ölkə müvafiq istiqamətdə Almaniya hökumətindən və USAİD-dən texniki yardım alır. Eyni zamanda, İsveçrənin iqtisadi əməkdaşlıq üzrə dövlət katibliyindən (Seco) də yardım gözlənilir.

Xəbər lenti

Xəbər lenti