Azərbaycan, Bakı /müxbir Trend İ.Xəlilova / Azərbaycan Milli Bankı (AMB) Beynəlxalq Valyuta Fondunun (BVF) kreditlərinin vaxtından əvvəl ödənilməsini məqsədyönlü hesab etmir. Bu barədə cümə günü AMB-nin İdarə Heyətinin rəhbəri Elman Rüstəmov məlumat verib.
Valyuta Fondu qarşısında öhdəliklərin yerinə yetirilməsi Milli Bankın üzərinə qoyulub. Bank sərəncamında olan ölkənin valyuta ehtiyatlarından ödəmələr həyata keçirir, belə ki, fondun kredit resursları onların strukturlarına daxil olunurdu.
Fonddan cəlb olunmuş ümumi həcmi 514 mln. dollar olan kreditin bu gün 118 mln. dolları qaytarılmayıb. Şəxsi resurslar hesabına AMB Valyuta Fondunun 398 mln. dollarını ödəyib.
"2,2 mlrd. həcmdə valyuta ilə biz problemsiz yerdə qalan hissəni də ödəyə bilərik, lakin BVF-in kreditləri olduqca ucuz resurslardır və onlar üzrə faiz ödəmələri cəmi 1,13 faiz illik təşkil edir. Bu resursların idarə olunmasından gəlirlilik isə cari dövrdə 5,1 faiz təşkil edir" - deyə Rüstəmov bildirib.
Ötən dövr ərzində ümumilikdə valyuta ehtiyatlarının idarə olunmasından Milli Bank 50 mln. dollar gəlir əldə edib, 2007-ci ilin yekunlarına əsasən, gəlirin 100 mln. dollardan çox olacağı gözlənilir.