Azərbaycan, Bakı / Trend / Antiinhisar siyasət üzrə beynəlxalq şuranın növbəti iclası Bakıda keçiriləcək. Bu barədə Azərbaycan İqtisadi İnkişaf Nazirliyinin (İİN) yaydığı məlumatda bildirilir.
Toplantının Bakıda keçirilməsi ilə bağlı qərar Moskvada antiinhisar siyasət şurasının 25-ci iclasında qəbul olunub.
Azərbaycanı iclasda İİN yanında Dövlət Antiinhisar Xidmətinin rəhbəri Samir Dadaşov və onun müavini Araz Əliyev təmsil edib.
Toplantıda aviadaşımalardakı qiymətlərin birgə araşdırılması ilə bağlı qərar qəbul olunub. Son zamanlar bu sahədə dəyişikliklər olub.