Azərbaycan, Bakı/ Trend E.Hüseynli/ Bakı Metropoliteninin yanğın təhlükəsizliyinin yenidən qurulması üçün Fövqəladə Hallar Nazirliyi (FHN) ilə danışıqlar aparılır. Bu barədə çərşənbə günü jurnalistlərə Bakı Metropoliteninin rəisi Tağı Əhmədov məlumat verib.
Onun sözlərinə görə, metro stansiyalarında yanğından təhlükəsizlik sisteminin yenidən qurulması üçün külli miqdarda vəsait lazımdır.
"Hazırda FHN-nin mütəxəssisləri lazım olan məbləği hesablayır və gələn ilin dövlət büdcəsindən vəsaitin ayrılması üçün hökumətə təkliflər zərfi təqdim olunacaq",-deyə o bildirib.
Əhmədov qeyd edib ki, maliyyə çətinliklərinə baxmayaraq, indidən bu istiqamətdə işlər görülür.
Bakı Metropolitenində 16 stansiya fəaliyyət göstərir.