Azərbaycan, Bakı/ Trend müxbir İ.Xəlilova/ Beynəlxalq Valyuta Fondunun (BVF) proqnozlarına görə, 2007-ci ildə xarici aktivlər 54,3 faiz artaraq 3,824 mlrd. manat təşkil edəcək. Bu barədə "BVF-in yaradılması haqqında" razılaşmanın VI maddəsinə uyğun olaraq BVF-in icmalların yekunlarına dair hesabatında göstərilib. Xalis daxili aktivlər 424 mln. manat, daxili kreditlər isə 420 mln. manat ixtisar olunacaq.
BVF ehtiyat valyutanın 2006-cı ildəki 2,045 mlrd. manata qarşı 3,4 mlrd. manat həcmində olacağını proqnozlaşdırır. Bununla yanaşı, ehtiyat pullar manatla ötən ildəki 1,6 mlrd.-a qarşı 2,887 mlrd. olacaq.
Bank ehtiyatları və digər depozitlər 351 mln. manat, xarici valyuta ehtiyatları isə 513 mln. manat təşkil edəcək.
2007-ci ildə xalis beynəlxalq ehtiyalar 3,815 mlrd. manat, ümumi beynəlxalq ehtiyatlar 3,901 mlrd. manat təşkil edəcək.
Valyuta Fondunun proqnozlarına əsasən, cari ödəmə balansı 7,866 mlrd. dollar, ÜDM-in 27,4 faizi qədər təşkil edəcək. 2007-ci ildə FOB şərtləri ilə ixrac 17,42 mlrd. dollar təşkil edəcək ki, bunun da 16,292 mlrd. dolları neft və neftməhsullarının hesabına olacaq. FOB şərtləri ilə idxal 6,057 mlrd. dollara qədər azalacaq ki, bunun da 1,037 mlrd. dolları neft sektorunun payına düşəcək.
