Azərbaycan, Bakı /müx. Trend Ü.İsmayılova/ Azərbaycan Sığortaçılar Assosiasiyasının rəhbəri Hidayət Abdullayevin çərşənbə günü verdiyi məlumata görə, Assosiasiya Azərbbaycanın sığorta bazarının mövcud qanunvericilik bazasına əlavə və dəyişiklikdər etmək niyyətindədir.
Assosiasiyanın iyunun 25-də keçirilən iclası zamanı Hidayət Abdullayev Assosiasiyanın icraçı direktoru seçilib. Əvvəllər isə Hidayət Abdullayev bir neçə il ərzində "Kavkaz" sığorta şirkətinin rəhbəri vəzifəsində çalışıb.
Abdullayevin sözlərinə görə, Assosiasiya əsasən aşağıdakı üç istiqamətdə işləyəcək:
- sığortaçıların maraqlarının qorunması;
- sığorta xidmətlərinin əhali arasında təbliğatı;
- Dövlət Sığorta Nəzarəti ilə birgə mövcud qanunvericilik bazasına əlavə və dəyişikliklərin hazıranması.
Abdullayev həmçinin qeyd edib ki, Assosiasiyanın ilkin planlarına Azərbaycanın sığorta bazarının bütün iştirakçıları üçün ( sığorta şirkətlərinin əməkdaşları, agentlər) treyninq-mərkəzin açılması daxildir.
