Azərbaycan, Bakı/ Trend müxbir İ.Xəlilova/ Bu gün Fransanın BNP Paribas bankı və İsrailin Sığorta Korporasiyası ASHRA ekspertləri Azərbaycana səfərlərini başa çatdırırlar. Bu barədə cümə axşamı ölkənin Maliyyə Nazirliyindən məlumat veriblər. Azərbaycan hökuməti ilə Hacıqabuldan Gürcüstan sərhədinə qədər yolun iki zolaqdan dörd zolağa qədər genişləndirilməsi layihəsi üçün kredit şərtlərinin yumşaldılması üzrə danışıqlar başa çatmamış qalıb.
BNP Paribas nümayəndələri öz qərarları barədə bir həftə sonra məlumat vermək niyyətindədirlər. Maliyyə Nazirliyindən bildiriblər ki, Azərbaycan tərəfi kredit üzrə faiz dərərcəsinin libor+0,75%-dən 0,75 faizə qədər azaldılmasında israr edəcək.Fransız bankı Hacıqabuldan sərhədə qədər yolun genişləndirilməsinə 4-5 il güzəşt dövrü olmaqla 20 il müddətinə 400 mln. dollar ayırmağa hazır olduğunu bildirib.Öhdəlik üzrə sığorta xidmətləri ASHRA tərəfindən təklif olunur.