Azərbaycan, Bakı /müx. Trend Ü.İsmayılova/ Sığortaçılar Assosiasiyasının Nəzarət Şurasının, Təşkilat Komitəsinin üzvü, Rusiya-Azərbaycan birgə sığorta şirkəti olan "Atesgah" şirkətinin baş direktoru İntiqam Hüseynovun verdiyi məlumata görə, Azərbaycan Sığortaçılar Assosiasiyasının gələcək inkişafı Assosiasiyanın icraçı direktorunun birbaşa fəaliyyətindən asılıdır.
Azərbaycan Sığortaçılar Assosiasiyasının iyunun 22-də keçirilən yığıncağı zamanı Nəzarət Şurası, Müfəttiş Komissiyası və əvvəllər "Kavkaz" sığota şirkətinə rəhbərlik edən Hidayət Abdullayevin simasında icraçı direktor seçilib.
Hüseynovun sözlərinə görə, Azərbaycanın sığorta şirkətləri ölkənin sığorta bazarının bərabər inkişafına təsir göstərəcək Assosiasiyaya böyük ümidlər bəsləyirlər. Onun fikrincə, bazarın inkişafına həmçinin Azərbaycanın ÜTT-yə qəbulu da təsir göstərəcək ki, bundan sonra investorlar üçün məhdudiyyətlər aradan qaldırılacaq və bazarda yüksək rəqabət müşahidə olunacaq.
Hazırda qüvvədə olan qanuna əsasən, xarici investorlar sığorta şirkətində səhmlərin yalnız 49%-ni əldə edə bilərlər.
"Bu gün sığorta bazarı kifayət qədər inkişaf edib, amma bu o demək deyil ki, biz dünya səviyyəsinə çıxmışıq. Yerli səviyyədə sığorta şirkətləri belə rəqabətə davam gətirə bilərlər, bu dözümlüyün düzgün olması üçün biz hər cəhətdən səviyyəni qaldırmalıyıq" - deyə o qeyd edib.
"Lazımi səviyyəyə çatmaq məsələsində Sığortaçılar Assosiasiyası mühüm rol oynayır. Assosiasiya şirkətlərin bir araya gələrək təcrübələrini bölüşməsinə imkan yaradacaq" - Hüseynov belə hesab edir.
Rusiya-Azərbaycan birgə müəssisəsi olan "Atesgah" 1996-cı ildə yaradlıb, sığorta fəaliyyəti həyata keçirmək üçün lisenziyanı 1997-ci ilin əvvəlində əldə edib.
Şirkət Azərbaycanda quru və dəniz neft-qaz əməliyyatlarının kəşfiyyatı və işlənməsi ilə bağlı risklərin sığortalanması xidmətini təqdim edən yeganə sığorta şirkətidir.
