Azərbaycan, Bakı /müx. Trend İ.Xəlilova/ Cümə günü Bakı Fond Birjasının (BFB) idarə heyətinin sədri Xəyal Abdinovun verdiyi məlumata görə, iyul ayından Bakı və Varşava fond birjaları hər iki ölkənin qiymətli kağızlar bazarı haqqında məlumatın təqdim olunması ilə bağlı əməkdaşlığa başlayacaqlar. Əməkdaşlıq 2007-ci ildə informasiya sahəsində qarşılıqlı yardım haqqında imzalanmış müqavilənin əsasında aparılacaq.
"Hazırda biz birinci birja indeksinin yaradılması ilə bağlı ekspertlərin cəlb edilməsi üzərində işləyirik və Varşava fond birjası ekspert yardımı göstərməyə hazır olduğunu bəyan etdi" - deyə BFB-nın rəhbəri bildirib.
Polşa birjası kifayət qədər inkişaf edib və Avropada məşhurdur, onların köməyi Bakı birjası üçün faydalı olacaq.
Birja indeksinin adı istifadə olunacaq alətdən asılı olacaq. Bu, dövlət və korporativ qiymətli kağızlar ola bilər.
Birjanın rəhbəri hesab edir ki, bu alətlər arasında ən çox üstünlüyə dövlət kağızları, yəni dövlətin qısamüddətli istiqrazları malikdir. Notlar ölkə daxilində banklar arasında istifadə oluna bilər.
Birja rəhbərinin fikrincə, investorlar üçün dövlətin qısamüddətli istiqrazları daha çox marağa malikdir.
