Azərbaycan, Bakı /müx. Trend İ.Xəlilova/ Azərbaycanın Standartlaşdırma, metrologiya və patent üzrə Dövlət Agentliyinin ölkənin beş-altı şərab zavoduna qoyduğu qadağa davam edir. Bu barədə Dövlət agentliyinin sədri Ramiz Həsənov məlumat verib. Onun rəhbərlik etdiyi struktur 2006-cı ildə şərab istehsalına qadağa qoyub. Səbəb məhsulun keyfiyyət standartlarına cavab verməməsi idi. Bu yaxınlarda Gəncə və Bakının bir şərab zavodundan qadağa götürüldü.
"Hələlik digər müəssisələr keyfiyyət standartlarına çatmayıb, səbəb üzümün olmamasıdır. Bunun nəticəsində zavodlar şərab məhsullarını xüsusi tozlar vasitəsi ilə hazırlayırdılar. Biz istehsala qadağa qoyanda bu qadağa həmin müəssisələrin məhsullarının satışına da tətbiq edilir. Onların bir hissəsi təkrar emala qaytarılırdı, digər hissəsi isə məhv edilirdi" - deyə Həsənov vurğulayıb.
Şərab müəssisələrinin çəkdiyi ziyanın ümumi həcmi 100 min manatdan çoxdur.
Onu da bildirək ki, şərab istehsalçıları artıq böyük üzüm sahələrini icarəyə götürüblər. Həsənovun fikrincə, bu, Azərbaycan şərablarının keyfiyyətinin artırılmasına imkan yaradacaq.