Azərbaycan, Bakı / Trend müxbir İ.Xəlilova / Azərbaycan Nazirlər Kabinetindən verilən məlumata görə, 2009-cu il maliyyə ilində Dünya Bankı Azərbaycan layihələrinin maliyyələşdirilməsini dayandıracaq, belə ki, Azərbaycan artıq güzəştli kreditlər əldə edən ölkələr qrupundan çıxıb. Artıq iki ildir ki, Azərbaycan Beynəlxalq İnkişaf Assosiasiyasiyası və Beynəlxalq Yenidənqurma və İnkişaf Bankının xətti ilə birləşdirilmiş kreditlər alır.
Sonuncu məbləğ olan 20 mln. dolları Azərbaycan 2008-ci maliyyə ilində (2007-ci ilin 30 iyunuda başlanıb) güzəştli şərtlərlərlə əldə edə bilər. Bu vəsait korporativ və dövlət sektorunda hesabat layihəsi (CAPSAP) üçün nəzərdə tutulub. "Əgər biz 2007-ci ilin oktyabrına qədər layihəni Dünya Bankının müzakirəsinə təqdim edə bilsək, güzəştli kreditlər almaq imkanımız olacaq" - deyə Nazirlər Kabinetindən bildiriblər. Beynəlxalq İnkişaf Assosiasiyasına üzv olan dövlətlərin qiymətləndirməsinə uyğun olaraq 2007-ci maliyyə ilində Azərbaycan üçün nəzərdə tutulan güzəştli kreditlərin həcmi 79,4 mln. dollar təşkil edib, lakin hökumət onları mənimsəyə bilməyib.
Beynəlxalq İnkişaf Assosiasiyasının vəsaitləri texniki yardımın xüsusi çəkisi yüksək olan dövlət idarəetmə sisteminin təkmilləşməsi, həmçinin sosial sahəni əhatə edən və yüksək biliklər tələb edən layihələr üçün nəzərdə tutulub.
ÜDM-in çəkisinin adambaşına 1280 dollardan çox olmayan ölkələr müvafiq meyarlara cavab verirlər. Azərbaycan artıq Dünya Bankı tərəfindən Beynəlxalq İnkişaf Assosiasiyasının kreditlərinin əldə edilməsi məqsədilə təyin olunan əsas meyar qismində müəyyən olunan meyarları üstələyib. Həmçinin iqtisadi inkişaf naziri Heydər Babayevin proqnozlarına görə, bu il məbləğin 3000 dollara çatacağı gözlənilir. Yarım il ərzində bu göstərici 1461,8 dollara çatıb.
Dünya Bankı Azərbaycan hökuməti ilə əməkdaşlıq strategiyasında Beynəlxalq Yenidənqurma və İnkişaf Bankı xətti ilə portfeli 659 mln. dollara çatdırmaq planlaşdırılır. 2008-ci ilə qədər bu məbləği
257 mln., 2009-cu ildə isə 442 mln. dollara çatdırmaq planlaşdırılır.
Beynəlxalq İnkişaf Assosiasiyasının kreditlərini 2010-cu ildə 804 mln. dollara qədər artırmaq planlaşdırılır, lakin güzəştli kreditlərin alınması tempi və Beynəlxalq İnkişaf Assosiasiyasının xətti ilə ölkəyə yardımın dayandırılmasının elan edilməsi bu poqnozların qeyri-mümkünlüyündən xəbər verir. 2006-cı il dekabrın 7-də Direktorlar Şurasında təsdiq olunan yeni strategiyanın ümumi dəyəri 1,260 mln. dollar dəyərində qiymətləndirilir.