Azərbaycan, Bakı /müx. Trend İ.Xalilova/ Azərbaycan Milli Bankının (AMB) kredit təşkilatlarının fəaliyyəti üzərində nəzarət departamentinin direktoru Adışirin Qasımovun verdiyi məlumata görə, AMB 2007-ci il avqustun sonuna qədər ölkənin bank sektorunun kapitalizasiya səviyyəsinin qiymətləndirilməsini başa çatdırmağı planlaşdırır. Hazırda 30 bank bu porosesi uğurla başa yetirib. Bu, banklara əhalinin əmanətlərinin sığortası fonduna daxil olmağa imkan verib.
Kapitalın qiymətləndirilməsi Milli Bankın iyulun 1-nə olan normativ tələblərinə uyğun olaraq aparılır. Normativlərə uyğun olaraq hər bir bankın ümumi kapitalının minimal həcmi 10 mln. manatdan az olmamalıdır.
"Bu tələblərə əməl etməyən bankların əmanətlərin cəlb edilməsi üzrə lisenziya fəaliyyəti dayandırılacaq və avtomatik olaraq onlar sığorta fondunun üzvlərinə çevrilə bilməyəcklər. Onlar qüvvətlənməli və ya statusu dəyişməklə qeyri-bank kredit təşkilatlarına çevrilməli olacaqlar" - deyə Qasımov bildirib.
İyunun 1-də 23 bankın kapitalı 10 mln. manatdan çox olub. 17 bankın kapitalı 5-10 mln. manat çərçivəsində formalaşdırılb.
May ayı ərzində bankların kapitalizasiya strukturunda dəyişiklik baş verib, beş bank nizamnamə kapitalı 10 mln. manatdan çox olan banklar qrupuna daxil olub. Azərbaycanda fəaliyyət göstərən üç bank hesabat dövrü ərzində 3,5 manatdan 5 milyona qədər kapital ödəyib.
