Azərbaycan, Bakı / Trend müxbir İ.Xəlilova / Avqustun sonunadək qeyri-bank kredit təşkilatı olan "SOA Credit" (ötən ilədək "Shore Overciese Azerbaijan" adlandırılırdı) OPİC (Overcies Provide Investment Company) kredit xəttindən $7,5 mln.-luq ikinci tranşın alıncağını gözləyir. Qurumdan verilən məlumata görə, 9,5 il müddəti nəzərdə tutan bu tranş ötən ilin sonunda təsdiqlənib. Kredit üç eyni payla ayrılır. $2,5 mln.-lıq ilk tranş fevralda açılıb. Üçüncüsü isə noyabrda gözlənilir.
ABŞ-ın xarici investisiyalar üzrə dövlət təşkilatı olan OPIC "SOA Credit"in maliyyələşdirilməsinə 2004-cü ildən başlayıb. İlk $2,5 mln.-luq kredit xətti 7 il üçün nəzərdə tutulurdu.
OPIC vəsaitləri biznes-kreditlərin və kredit təşkilatının ipoteka proqramının maliyyələşdirilməsinə yönəldilir. Bu gün "SOA Credit"in portfeli $8,1 mln. səviyyəsində formalaşdırılıb. Lakin ilin sonuna kimi müvafiq göstəricinin $12-13 mln.-dək artırılacağı planlaşdırılır.
"SOA Credit"in 100 faizlik təsisçisi rolunda beynəlxalq konsaltinq şirkəti "Shorebank International" çıxış edir. Bu şirkət ABŞ-ın "Shorebank" qrupuna daxildir.