Gürcüstan, Tbilisi/ Trend , müxbir N. Kirtsxalia/ MDB ölkələri arasında Gürcüstana daha çox Azərbaycandan olan turistlər səfər edirlər. Gürcüstanın İqtisadi İnkişaf Nazirliyinin Turizm və Kurort Departamentinin verdiyi məlumata görə, 2007-ci ilin altı ayı ərzində ölkəyə turizm məqsədilə 121 965 Azərbaycan vətəndaşı səfər edib.
Bu dövr ərzində Gürcüstana MDB ölkələrindən 260 214 turist gəlib. Bu ötən ilin analoji dövr göstəricisindən 37% çoxdur.