Azərbaycan, Bakı / Trend , müxbir Ü.İsmayılova/ "Qorqud sığorta" sığorta şirkətindən cümə axşamı verilən məlumata görə, sığorta şirkətinin idarə heyətinin yeni sədri Azərbaycanın sığorta bazarında böyük iş təcrübəsi olan Əli Kaçan təyin olunub.
İdarə heyətinin keçmiş sədri Rəşad Əhmədov "Qorqud sığorta" sığorta şirkətinin idarə heyətinin sədr müavini təyin olunub.
"Belə bir qərar təsisçilər tərəfindən qəbul olunub və səbəbi əməkdaşlara məlum deyil" - deyə şirkətdən bildiriblər.
"Qorqud sığorta" sığorta şirkəti 2007-ci ilin aprel ayında "Birlik Sığorta" şirkətinin bazasında yaradılıb. Şirkətin idarə heyətinin keçmiş sədri Rəşad Əhmədovun əvvəllər verdiyi məlumata görə, şirkətdə belə dəyişikliklər şirkətin daxilində müştərilərin narazılığını doğuran qeyri-peşəkar struktur və menecment ilə əlaqədar olub.
"Birlik Sığorta" sığorta şirkəti Azərbaycanda 1992-ci ildən fəaliyyət göstərib. Lakin ödənişlərin həyata keçirilməməsi və onların uzun müddət ləngidilməsi ilə bağlı müştərilərin narazılıqları şirkətin iflasına səbəb olub" - deyə Əhmədov bildirib.