Azərbaycan, Bakı, 04 mart / Trend , müxbir A.Bədəlova/ ABŞ Dövlət Energetika İnformasiya İdarəsinin (EIA) proqnozlarına görə, 2008-ci ildə Azərbaycanda neft ixracı 2007-ci ilə nisbətdə 26 faiz artaraq, sutkada 1,1 mln. barelə çatacaq.
Azərbaycan neftinin hasilatı və ixracındakı artım, əsasən. "Azəri-Çıraq-Günəşli" iri dəniz yatağının hesabına baş verəcək. 2008-ci ildə bu yataqda yüngül neft hasilatı sütkada 1 mln. barel təşkil edəcək.
Yatağın işlənməsi üzrə iştirakçılar qismində BP (operator- 34,1367 faiz iştirak payı), "ChevronTexaco" (10,2814 faiz), ARDNŞ (10 faiz), INPEX (10 faiz), "Statoil" (8,5633 faiz), "ExxonMobil" (8,006 faiz), TPAO (6,75 faiz), "Devon Energy" (5,6262 faiz), "Itochu" (3,9205 faiz), "Delta Hess" (2,7213 faiz) şirkətləri fəaliyyət göstərir. Lazım olan kapital yatırımlarının həcmi - təxminən $20 mlrd. təşkil edir.
EIA-nın proqnozlarına görə, Qazaxıstanda 2008-ci il üçün neft ixracatı 2007-ci ilin 1,45 mln. barelinə qarşı gündəlik 1,56 mln. barel təşkil edəcək.
Proqnozlara görə, Türkmənistanda isə, ixracat bu il 2007-ci ilin 180 min barelinə qarşı 190 min barel olacaq.
1977-ci ildə Konqres tərəfindən yaradılmış EİA ABŞ Departamentinin statistik Agentliyidir.
