Azərbaycan, Bakı, 07 mart / Trend / Azərbaycan Dövlət Neft Şirkəti "Günəşli" yatağının dayaz hissəsində yerləşən "Günəşli -11" dəniz platformasının genişləndirilməsi işlərini bitirib və yaxın günlərdə qazıma işlərinə başlamaq niyyətindədir. Bu barədə şirkətdən məlumat bildirilib.
Yenidənqurma və genişləndirilmə işlərindən sonra platformadan hasil edilən kondensat 55 min ton, qazın həcmi isə 700 mln. kubmetrə qədər artacaq.
Platforma suyun 105 metr dərinliyində yerləşir, 390 kvadrat metr genişləndirilib.
Genişləndirilmiş blokda yeddi neft quyusunun qazılması plandaşdırılır. Quyular qaz hasilatı üçün nəzərdə
tutulur.
Genişləndirmə blokunun çəkisi 1060 ton, hündürlüyü isə 113 metri təşkil edir. Platforma və blok körpü vasitəsilə birləşdiriləcək.