Azərbaycan, Bakı, 07 mart / Trend , müxbir S.Ağayeva/ "PKN Orlen" Polşa şirkəti "Azəri-Çıraq-Günəşli" yatağındakı blokda hasil edilən Azərbaycan yüngül neftinin idxal həcmini artıra bilər.
"Bu gün "Orlen" Polşada 100 min tona qədər Azeri Light növlü neft emal edir və əgər Odessa-Brodı boru kəməri uğurla fəaliyyət göstərsə, şirkət xammal alınması ilə bağlı həcmi artıra bilər" - "Orlen" şirkətinin vitse-prezidenti Sezari Stanislav Filippoviç cümə günü Bakıda jurnalistlərə deyib.
"Orlen" Plotska qədər Odessa-Brodı boru kəmərinin tikintisi layihəsi çərçivəsində, Azərbaycanla əməkdaşılq edir, bu məqsədlə TİƏ layihəsinin hazırlanması üçün saziş beş ölkənin başçılarının (Azərbaycan, Ukrayna, Gürcüstan, Litva və Polşa) oktyabrda keçirilən Vülnus Sammitində imzalanıb.
"Biz Azərbaycan neftinin hasilatında da iştirak etmək istəyirik" - Filippoviç qeyd edib.
"PKN Orlen" Polşa şirkəti Xəzərin Azərbaycan hissəsində neft hasilatı ilə bağlı öz təkliflərini Azərbaycan hökumətinə artıq təqdim edib. Bu məsələ şirkət nümayəndələrinin Bakıya hazırkı səfəri çərçivəsində də müzakirə edilib.
"Orlen" şirkətinin nümayəndəsi şirkətin məhz hansı sahələrdə işləmək istəməsi barədə məlumat verməyib. Onun sözlərinə görə, bütün detallar daha sonra məlum olacaq. "Əsas məsələ - hər iki tərəfin bunun üçün istəyi var" - o deyib.
"Azərbaycan - dünya energetika sektorunda böyük oyunçudur və "Orlen" Azərbaycanla əməkdaşlığı genişləndirmək istəyir" - Filippoviç əlavə edib.
