Azərbaycan, Bakı, 04 aprel / Trend , müx. S.Əliyev/ Azərbaycanın "Kürsəngi- Qarabağlı" onşor yataqlarında neft hasil edən, iri xarici iştirak payı olan "Salyan Oil" əməliyyat şirkəti, cari ildə ikinci istismar quyusunun qazılmasına başlayıb. Bu barədə cümə günü Azərbaycanın Dövlət Neft Şirkətindən məlumat verilib. Quyunun qazması "Kürsəngi" yatağında həyata keçirilir. Onun dərinliyi 3,5 min metr təşkil edir.
2008-ci ildə əməliyyat şirkəti layihə dərinliyi 3500- 4000 metr olan altı istismar quyusu qazmaq niyyətindədir.Şirkətin büdcəsi 2007-ci ilin 43 mln. dollar ilə müqayisədə, cari ildə 45,5 mln. dollar səviyyəsində müəyyən olunub.
2007-ci ildə şirkət altı quyu qazıb ki, onlardan biri kəşfiyyat quyusudur.
"Kürsəngi - Qarabağlı" yatağının işlənməsi müqaviləsi 25 il müddətinə qüvvədədir. Layihənin səhmdarları bunlardır: ARDNŞ - 50 faiz, hərəsi 25 faizə sahib olmaqla, iki Çin şirkəti- China National Oil & Gas Exploration and Development Corp. (CNODC) və CNPC (Hong Kong) Ltd. (CNPCHK).