Azərbaycan, Bakı, 09 aprel / " müxbir S.Əliyev, A.İsmayılova/ Azərbaycan qazının Gürcüstana tədarükü üzrə danışıqlar aprelin 27-də davam etdiriləcək. Bu barədə çərşənbə günü Azərbaycanın Gürcüstandakı səfiri Namiq Əliyev məlumat verib. Bu həftə Azərbaycan Dövlət Neft Şirkətinin (ARDNŞ) prezidenti Rövnəq Abdullayev Tbilisidə qaz üzrə danışıqlar aparıb.
"Danışıqlar normal gedir. Artıq müəyyən irəliləyişlər var" - deyə səfir bildirib.
Tbilisidə ARDNŞ-nin şəxsi qazının Gürcüstana tədarükü üzrə yeni müqavilə müzakirə olunur. Müqavilə qaz istehsalçısı (Qazı şəxsi yataqlarından hasil edir) olan ARDNŞ ilə bağlanacaq.
ARDNŞ Gürcüstana, bu ölkənin ildə 1 - 1,5 mlrd. kubmetr qaza təlabatının olmasına baxmayaraq, il ərzində 500 mln. kub metr qaz tədarük edə bilər. Gürcüstan bu il Azərbaycan şəxsi qazının 1000 kub metrini 180-190 dollar qiymətləri üzrə ala bilər.
Müəlliflə əlaqə saxlamaq üçün elektron ünvan : capital
