Azərbaycan, Bakı, 20 may / Trend / Azərbaycanın dövlət büdcəsindən maliyyələşən müəssisə, idarə və təşkilatlar 2008-ci ilin birinci rübündə 251,8 mln. kVt/saat elektrik enerjisi, 63,8 min Hkal istilik enerjisi, 35,7 mln. kub metr qaz, 7,2 mln. kub metr su və 1,4 mln. manat rabitə xidməti sərf ediblər. Bu barədə Statistika üzrə Dövlət Komitəsindən məlumat verilib.
Ötən ilin birinci rübünə nisbətdə elektrik enerjisi üzrə sərfiyyat 18,9 faiz, istilik enerjisi 42,7 faiz, rabitə xidməti 1,1 faiz artıb. Qaz və suya olan tələbat, müvafiq olaraq, 17,4 və 20 faiz artıb.
Sərf olunan elektrik enerjisi, istilik enerjisi, qaz, su və rabitə xidmətlərinin ümumi dəyəri ötən ilin analoji dövr göstəricilərinə nisbətdə 20,3 faiz artaraq, 25,5 mln. manat təşkil edib.