Azərbaycan, Bakı, 22 may/ Trend , müxbir S.Əliyev/ Azərbaycanın "Kürsəngi-Qarabağlı" onşor yataqlarında neft hasil edən xarici kapitala malik iri Salyan Oil əməliyyat şirkəti bu ildə üçüncü quyunun qazılmasını başa çatdırıb. Bu barədə Azərbaycan Dövlət Neft Şirkətindən məlumat veriblər. Quyu "Kürsəngi" yatağında qazılıb. Quyunun dərinliyi təqribən 3,5 min metr təşkil edib.
Şirkət yaxın vaxtlarda "Qarabağlı" yatağında daha bir quyunun qazılmasına başlamaq niyyətindədir.
2008-ci ildə Əməliyyat Şirkəti altı istismar quyusu qazmaq niyyətindədir. Quyuların dərinliyi təqribən 3500-4000 metr təşkil edəcək. Şirkətin bu il üçün büdcəsi $45,5 mln. səviyyəsində müəyyən edilib. 2007-ci ildə şirkət altı quyu qazıb (biri 2006-cı ildən keçid). Onlardan biri kəşfiyyat xarakterlidir. 2007-ci ildə Salyan Oil-in büdcəsi $43 mln. olub.
"Kürsəngi-Qarabağlı" yataqlarının işlənilməsinə dair müqavilənin müddəti 25 ildir. Layihənin səhmdarları aşağıdakılardır: ARDNŞ - 50 faiz, iki Çin şirkəti - China National Oil & Gas Exploration and Development Corp. (CNODC) və CNPC ( Hong Kong) Ltd. (CNPCHK) hər biri 25 faiz.
Müəlliflə əlaqə saxlamaq üçün elektron ünvan: [email protected]