Ukrayna, Kiyev, 23 may / Trend , müxbir Z.Novosvitski/ Ukrayna prezidenti Viktor Yuşşenko İşçi qrupuna bir həftə ərzində 2008-ci ildə "Odessa-Brodı" neft kəmərinin Avropa İttifaqında avers rejimi işinə keçirilməsi ilə bağlı tədbirlər planı hazırlamaq tapşırığı verib.
Bu haqda Ukrayna prezidentinin "Layihə istiqamətinə əsasən, "Odessa-Brodı" neft kəmərinin işlənməsinin təmin edilməsi" haqqında Fərmanında deyilir. Fərman ölkə başçısının rəsmi saytında yerləşdirilib.
Yuşşenko "Odessa-Brodı" neft kəmərinin layihə əsasında işlənməsinin təmin edilməsi məsələləri üzrə İdarələrarası İşçi qrup yaradıb. Qrup 2008-ci ildə "Odessa-Brodı" neft kəmərinin layihə əsasında istismardan gələn gəlir dərəcəsini saxlamaqla istiqamət rejiminə keçirilməsi üzrə tədbirlər planı hazırlamalı və həftə ərzində təqdim etməlidir.
Ukrayna "Odessa-Brodı" neft kəmərinin 674 kilometrlik qurğusunu 2002-ci ildə tamamlayıb. Marşrut Ukraynanın qərb sərhədi istiqamətində 14 mln. tonadək neft göndərmək imkanına malikdir.
Əvvəlcə layihədə Xəzər neftinin avropalı istehlakçılara göndərilməsi nəzərdə tutulurdu, lakin 2004-cü ilədək neft kəməri Ukrayna neft tədarükçüsü tapmadığı üçün işini dayandırmışdı.
2004-ci ilin ortalarında "Ukrtransnafta" və "TNK-VR" marşrutun revers istifadəsi haqqında üç illik saziş imzaladılar. Bu saziş Odessa limanının Qara dəniz rayonunda "Cənub" dəniz neft terminalı istiqamətində ildə 9 mln. tonadək neft göndərilməsini nəzərdə tutur.
"Cənub" neft terminalından ilk tranzit neft tankeri 2004-cü il sentyabrın sonlarında göndərilib.
Müəlliflə əlaqə saxlamaq üçün elektron ünvan: [email protected]
