Azərbaycan, Bakı, 29 may / Trend , müxbir E.İsmayılov/ "Kompleks qazma işləri" tresti ölkənin şimal-qərb hissəsində Gürcüstanla sərhədin yaxınlığında yerləşən "Cahangir" quru yatağında kəşfiyyat quyusunun qazılması üzrə işləri davam etdirir. Hazırda quyunun dərinliyi 1800 metr təşkil edir. Quyunun layihə dərinliyi isə 3400 metrdir. Bu barədə cümə axşamı trestdən bildiriblər.
Əvvəllər bu sahədə tədqiqat işləri aparılıb və kəşfiyyat-axtarış qazma işlərinin aparılmasına dair razılıq əldə edilib. Qazma işlərinin ilin sonuna qədər başa çatdırılması planlaşdırılır.
Qazıma işləri Azərbaycan Dövlət Neft Şirkətinin "Qobustan" kəşfiyyat qazma işləri idarəsi tərəfindən həyata keçirilir.
Məqalə müəllifi ilə əlaqə ünvanı: [email protected]