Azərbaycan, Bakı, 04 iyun/ Trend , müxbir İ.Xəlilova/ Azərbaycanın Dövlət Neft Fondu yeni xarici menecerləri 2009-cu ilin əvvəlindən tez cəlb etmək niyyətində deyil. Bu barədə çərşənbə günü ARDNF-in icraçı direktoru Şahmar Mövsümov məlumat verib.
Onun sözlərinə görə, hazırda mövcud menecerlərlə - Clarident (Credit Suisse-nin bölməsi), Deutschebank Asset Management bankları və Dünya Bankının xəzinədarlğı ilə iş aparılır.
"Biz onlara, xüsusilə də DB ilə işimizdən razıyıq və müqavilələrin pozulması Neft Fondunun planlarına daxil deyil. Əksinə, gəlirlərimizin artması ilə əlaqədar neft fondunun xarici menecerlərinin siyahısı genişlənəcək", - Mövsümov bildirib.
Bu gün Fondun vəsaitlərinin beş faizdən az bir hissəsi idarə edilmək üçün xarici menecerlərə verilib. Əsas portfeli isə, ARDNF özü idarə edir. ARDNF rəhbəri belə nisbəti Fondun aktivlərinin yerləşdiyi qiymətli kağızların təsbit edilmiş gəlirə malik olduğu və xarici menecerlərin buna heç bir şey əlavə edə bilməyəckləri ilə izah edir. Lakin səhm portfelinin genişlənməsindən sonra onların peşəkar təcrübə və biliklərinə tələbat yarancaq.
Hazırda Neft Fondunun üç xarici mencerin idarəsinə verilmiş ümumi aktiv portfeli $244,31 mln. təşkil edir. Clarident (Credit Suisse-nin bölməsi) bankının sərəncamında fondun aktivlərindən $49,96 mln., Deutschebank Asset Management - $84,17 mln., RAMP proqramı (Reserve Assets management programme) çərçivəsində Dünya Bankı xəzinədarlığının idarəsində isə - $110,18 mln. var.
Deutschebank-ın idarəsində olan vəsaitlərin xüsusi çəkisi - 34,45 faiz, Clarident - 20,45 faiz, DB - 45,1 faiz təşkil edir. Vəsaitlərin idarə edilməsi üzrə gəlirlilik illik hesablama ilə müəyyən edilir. Ötən ilin yekunları üzrə fondun Clarident-ə verilmiş portfelinin idarə edilməsindən gəlirlilik - 6,43 faiz, Deutschebank- 5,82 faiz, DB - 7,08 faiz təşkil edib.
Neft Fondunun aktivləri $5,05 mlrd. təşkil edib. Mövsümov 2008-ci ilin sonunadək bu rəqəmin $10 mlrd.-ı ötəcəyini hesab edir.
İyunun 4-ə olan rəsmi məzənnə - 0,8204 AZN/USD
Müəlliflə əlaqə saxlamaq üçün elektron ünvan: [email protected]
