Azərbaycan, Bakı, 24 iyun/ Trend / 2007-ci ildə Türkiyənin TPAO şirkətinin Azərbaycana qoyulan sərmayələri ı təqribən $374,5 mln. təşkil edib. Şirkətin Azərbaycanda çalışdığı bütün dövr ərzində sərmayələr təqribən $3 mlrd. təşkil edib. Bu barədə şirkətin rəsmi saytında yerləşdirilmiş məlumatda deyilir.
TPAO Azərbaycan, Qazaxıstan, Türkmənistan, Gürcüstan, Liviya, Əlcəzairdə işlədiyi dövrlər ərzində $3,24 mlrd. sərmayə yatırıb.
2007-ci ildə TPAO-nun 6,8 faiz paya malik olduğu "Azəri-Çıraq-Günəşli" dəniz yataqlarının tammiqyaslı işlənilməsi layihəsində şirkət tərəfindən $298 mln. (işlər başlanandan təqribən $2 mlrd.) sərmayə yatırılıb. TPAO-nun 9 faiz iştirak payına malik olduğu "Şahdəniz" qaz-kondesat yatağının işlənilməsi layihəsinə 2007-ci ildə təqribən $74 mln. yatırılıb (cəmi $410,7 mln.). Cənubi Qafqaz qaz kəməri (SCP) (9 faiz iştirak) və Bakı-Tbilisi-Ceyhan neft kəmərinə (6,53 faiz) 2007-ci ildə müvafiq olaraq, $1,5 mln.-dan çox və $60,7 min yatırılıb. Ümumilikdə TPAO şirkəti SCP və BTC layihələrinə müvafiq olaraq təqribən $109 mln. və $324 mln. yatırıb.
2007-ci ildə TPAO "Alov" layihəsinə $53,7 min (cəmi təqribən $26 mln.) yatırıb.
2007-ci ildə və əməliyyatların başlanılmasından etibarən TPAO-nun müxtəlif beynəlxalq layihələrə qoyulan sərmayələrinin ümumi cədvəli:
| 2007-ci ildə kəşfiyyat və işlənilmə üzrə beynəlxalq layihələrə sərmayələr | ||
| ABŞ dolları | ||
| 2007-ci ildə | Ümumilikdə | |
| Azərbaycan | 374.467.723 | 2.881.903.929 |
| Azəri - Çıraq - Günəşli | 298.021.919 | 1.988.736.479 |
| Şahdəniz | 74.034.554 | 410.745.432 |
| Cənubi Qafqaz qaz kəməri | 1.501.873 | 108.979.872 |
| Alov | 53.700 | 26.115.207 |
| Kürdaşı | - | 17.302.390 |
| Bakı - Tbilisi - Ceyhan | 60.677 | 324.212.700 |
| Bakı ofisi | 795.000 | 5.771.849 |
| Qazaxıstan | 16.206 | 287.689.244 |
| Türkmənistan | 133.070 | 4.647.542 |
| Liviya | 16.372.237 | 41.187.019 |
| Liviya blok147/3-4 | 9.212.339 | 19.079.339 |
| Liviya blok NC/188-NC/189 | 7.159.898 | 22.107.680 |
| Gürcüstan | 36.461 | 602.129 |
| Əlcəzair | - | 25.548.592 |
| Yeni müəssisələr | 105.450 | 105.450 |
| Digərləri | 155.971 | 155.971 |
| Ümumilikdə | 391.287.118 | 3.241.839.876 |