Azərbaycan, Bakı, 24 iyun / Trend / Azərbaycan Dövlət Neft Şirkəti (ARDNŞ) "Kompleks qazma işləri" trestinin "Qobustan" Kəşfiyyat Qazma İşləri İdarəsi "Qalmaz" qazma sahəsində rekord qaz quyusunu istismara verib. Bu barədə ARDNŞ-dən yayılan məlumatda bildirilib.
Quyudan gündəlik 75 min kub metr qaz hasil olunur. Sınaq zamanı quyu quru quyuları üçün rekord göstərici nümaiş etdirib.
Yüksək debit quyusunun dərinliyi 1870 metr təşkil edir. Sözügedən quyu məhsuldar layın dördüncü üfüqündə qazılıb.
Hazırda yeni quyudan qaz nəqli üçün qaz kəmərinin tikintisi üzrə işlər görülür.