Azərbaycan, Bakı, 04 iyul / Trend / Yanvar-iyun ayları ərzində Azərbaycan 11 mlrd. kVt/saatdan çox elektirik enerjisi istehsal edib. Bu göstərici ötən ilin analoji dövründə təxminən 11,4 mlrd. kVt/saat elektrik enerjisi təşkil edib. Bu barədə "Azərereji" ASC-nin cümə günü yayılan məlumatında bildirilir.
Yanvar-iyun ərzində istehsal olunan elektrik enerjisinin ümumi həcmindən 9,5 mlrd. kVt/saatdan çoxu istilik - elektrik stansiyaları və təxminən 1,6 mlrd. kVt/saatı isə, su - elektirik stansiyalarının payına düşüb.
İyun ərzində "Azərenerji" tərəfindən təxminən 1,5 mlrd. kVt/saat elektrik enerjisi istehsal olunub ki, bu göstərici ötən ilin analoji dövründə1,4 kVt/saat təşkil edib.
Cari ilin iyun ayı ərzində istehsal olunan elektrik enerjisinin ümumi həcmindən 1,3 mlrd. kVt/saatı istilik - elektrik stansiyaları, təxminən 0,2 mlrd. kVt/saatı isə, su - elektrik stansiyalarının payına düşüb.
İyun ayı ərzində Rusiya, İran və Gürcüstandan elektirik enerjisi axını davam etdirilib.
