Azərbaycan, Bakı, 10 iyul / Trend , müxbir E.İsmayılov/ Azərbaycan Dövlət Neft Şirkətinin (ARDNŞ) "Kompleks qazma işləri" Tresti "Cəfərli" quru yatağında yerləşən yeni dərin istismar quyusunun qazma işlərini başa çatdırıb. Bu barədə cümə axşamı Trestdən məlumat verilib. Layihə dərinliyi 4050 metr nəzərdə tutulan quyunun dərinliyi 3970 metr təşkil edib.
"Hazırda quyuda geofiziki işlər aparılır və bir neçə gün ərzində onun mənimsənilməsinə başlanılacaq", - deyə Trestdən bildiriblər.
Hazırda "Cəfərli" yatağında daha bir istismar quyusunun dərinliyi 3700 metr (Layihə dərinliyi 4050 m) təşki edir. Trestdən bildiriblər ki, bu quyunda qazma işlərinin bu ay başa çatdırılması planlaşdırılır.
Yeni quyularda nəzərdə tutulan sutkalıq hasilat həcmi hər birində təqribən 60-70 ton təşkil edəcək.
Məqalə müəllifi ilə əlaqə ünvanı: capital