Qazaxıstan, Astana, 11 avqust/ Trend / Gürcü - osetin münaqiğə zonasında hərbi əməliyyatlar Xəzər nefti və qazının Gürcüstandan tranziti həcminə təsir etməyib, BP-Georgia şirkətinə istinadən "İnterfaks" agentliyi xəbər erir.
Şirkət nümayəndəsinin sözlərinə görə, son hadisələrlə əlaqədar "risk amili kəskin artıb", lakin karbohidrogen xammalının Gürcüstan ərazisindən çəkilmiş ixrac neft-qaz kəmərləri ilə dünya bazarlarına nəqli adi rejimdə həyata keçirilir.
"Azərbaycandan neft nəqli hazırda Bakı -Supsa boru kəməri, qaz - Bakı -Tbilisi-Ərzurum Cənubi Qafqaz boru kəməri ilə həyata keçirili", - agentliyin həmsöhbəti bildirib.
Bununla yanaşı qeyd edib ki, hər iki boru kəmərinin, həmçinin, hazırda dayandırılmış Bakı -Tbilisi-Ceyhan neft kəmərinin mühafizəsi gücləndirilib.
Müəlliflə əlaqə saxlamaq üçün elektron ünvan - [email protected]