Azərbaycan, Bakı, 01 sentyabr / Trend , müxbir İ.Xəlilova/ Azərbaycan hökumətinin Yaponiyanın Beynəlxalq Əməkdaşlıq Bankının (JBİC) kreditindən imtinası "Şimal" DRES-də ikinci buxar-qaz qurğusunun tikintisi prosesinin sürətlənməsinə təsir göstərməyib. "Azərenerji" ASC-nin vitse-prezidenti Marlen Əsgərovun bazar ertəsi bildirdiyinə görə, layihənin realizəsindən əvvəl maliyyələşdirmə mənbəyini və qurğunun tikinti sxemini müəyyən etmək planlaşdırılır.
"Layihənin maliyyələşdirilməsi üçün daxili mənbələrdən istifadə etmək planlaşdırılır və stansiyanın tikintisinin ucuz başa gəlməsi üçün onun sxemini dəyişdirmək istəyirik - Əsgərov bildirib. - Bununla əlaqədar layihənin realizəsi növbəti ilə qalır".
Onun sözlərinə görə, birvallı və ya ikivallı stansiyanın tikintisi imkanları müzakirə edilir.
"Azerenerji" BQQ-nin tikintisi üçün podratçının seçilməsinin yubanması ilə əlaqədar Yaponiyanın ayırdığı 29,28 mlrd. yen məbləğində ($275 mln.-dan çox) kreditindən imtina edib. Yapon bankının kredit ehtiyatları Azərbaycana 10 il güzəştli dövr olmaqla 40 il müddətinə və illik 0,75 faizlə təqdim edilib (Son vaxtlar əksər beynəlxalq təşkilatlar yüksək iqtisadi artımla əlaqədar ölkəyə güzəştli kredtlər verməkdən imtina edirlər).
Hər tender üçün yarım il ayrılıb. Sadıqov hesab edir ki, iştirakçıların maliyyə və texniki təklifləri SC-nin irəli sürdüyü tələblərə müvafiq olmadığı üçün onlar müsbət nəticə verməyib. Buna görə də "Azərenerji" krediti dayandırmaq təklifi ilə hökumətə müraciət edib. O, istifadə olunmuş vəsaitləri öz hesabına qaytarmağa hazırdır.
İkinci tenderdə iki iştirakçı olub. Bank zəmanətlərinin olmamasına görə onlardan biri - Çinin CNEEC şirkəti iştirakdan uzaqlaşdırılıb. İkinci iştirakçı - Yaponiyanın Mitsui/Huidai şirkəti təklifin JBİC-in kreditinin məbləğini iki dəfə ötən dəyərini azaltmaqdan imtina edib. Çin şirkəti BQQ-nin tikintisi üçün $403 mln. , Yaponiya şirkəti isə $448 mln. istəyib.
"Azərenerji"də layihənin dövlət vəsaitləri hesabına realizəsini istisna etmirlər. Bununla yanaşı, maliyyə və texniki məsələlərin həllinədək yeni tender elan etmək planlaşdırılmır, bu isə 2009-cu ilədək baş verə bilər.
Avadanlığın alınması üçün $160 mln. vəsait tələb olunur. Qalan işlər akkreditivin açılması hesabına yerinə yetirilə bilər. Tikinti işləri üçün Azərbaycanın AZENCO şirkəti cəlb oluna bilər.
Layihənin texniki-iqtisadi əsaslandırılması 2004-cü ildə, TEPSCO (Yaponiya) - Enprima (Finlandiya) konsaltinq şirkətləri alyansı tərəfindən hazırlanıb. Tender dörd 220 kilovoltluq elektrik ötürücü xətlərinin və 220/110 kilovoltluq yarımstansiyanın tikilməsi, təchizat, tikinti-quraşdırma işləri, sınağın keçirilməsi və istismara verilməsinə dair elan edilib.
Tikinti işlərinə 27 ay ayrılıb. Əvvəllər ikinci BQU-nun 2009-cu il üçün istismara verilməsi planlaşdırılıb.
Sentyabrın 1-nə olan rəsmi məzənnə -- 0,814 AZN/USD.
Müəlliflə əlaqə saxlamaq üçün elektron ünvan [email protected]
